|
Colegio Arubano su caminata di 17 di oktober 2009 'Walk with a friend' tawata un exito.Nos a haya mas cu 700 participante riba pia. E fun walk aki ta e prome actividad di diferenteotro actividadnan cu lo tin pa recauda fondo pa nos por haya airco pa nos localidadnan.Nos kier a gradici tur e participantenan, sponsornan y tur cu di un of otro manera a yuda pa hasi e caminata aki posibel. Colegio Arubano ta celebrando su 50 ana di existencia den grandi y nos ta pidi cooperacion di henter e pueblo di Aruba pa contribui i participa na nos actividadnan riba terenonan social, deportivo i educativo. 
Nos rifa ta den ful swing y e sorteo lo ta dia 4 di november 2009. Cada rifa ta costa solamente fls. 5,- y tin bunita premionan manera e.o. 2 pasashi pa Merca mas $1000,- zakgeld. Corda coopera cu nos scol, e ta pa un bon causa. Nos tin diferente buki di rifa ainda, interesadonan po cumpra serca e alumnonan of por jama scol na tel: 5822005 y 5837029 puntra pa Sr. Falconi of na tel: 5831265 puntra pa Sra. Gilda Kelly. Nos number di cuenta di banco tambe ta habri pa donacionan RBTT #12.50.388. Colegio Arubano ta di mi, di bo, di Aruba! Aruba keda pendiente pa e siguiente actividadnan.
|
![[Decanaat]](/images/stories/logo_decanaat.jpg){kind=logo}
