Posts filed under 'Examens 2007'
E resultadonan di VWO den 2de tijdvak a wordo ser conoci awetardi den carera di 2:42pm unda alemenos 5 alumno a logra hal’e subiendo e porcentahe di VWO for di 58% den 1ste tijdvak pa 63% den 2de tijdvak. HAVO almenos 35 alumno a logra cua ta subi e percentahe di graduado na 55% for di 44% den 1ste tijdvak di HAVO - Mas imagenan di e Uitslag di Examens den 2de tijdvak hunto cu henter e lista di esnan cu a logra slag riba nos galeria di KillerShots .
June 27th, 2007
E resultado di Examens 2007 ta aden. Por lo menos 58% di VWO a logra slaag cu ta solamente 77 alumno di un total di 134 alumno, y 44% di HAVO a logra slaag cu ta solamente 125 alumno for di un total di 285 alumno solamente, den e 1ste tijdvak. Den comparacion cu añanan anterior, na 2006 segun archivonan basa riba e resultadonan final cu ta inclui 2de tijdvak (herkansing) 65% di VWO y 53% di HAVO a gradua. Na 2005 61% VWO y 39% HAVO a gradua, na unda e porcentahe di HAVO ta esun mas abou den historia di scol, esun di VWO tabata 59% na 1997.
E lista di VWO a baha alrededor 4:30pm y HAVO pa banda di 5:54pm despues cu e reunionan di control respectivo a caba. Mas cu 400 persona tabata presente na Colegio Arubano, algun pafo di scol y e gran mayoria riba otro den e calor di e hal cu bañamento di champagne compaña pa un euforia completo.
Mayornan euforico tabata brasa y sunchi nan yuinan di alergia ora nan a wak cu nan yui a slaag oficialmente diabierna atardi, otronan no por a kere cu todo lo contrario a sosode cu nan yui. Algun alumno tabata completamente kibra ya cu nan no a logra slaag pa e di dos biaha consecutivo.
Algun otro alumno a trece for di champagne, rum, whisky te na Hpnotiq cu ta un sorto di vodka pa celebra hunto cu nan amistadesnan. Otronan a dicidi benta riba tur hende cu tabata serca di nan y algun pa mala suerte a haya ful e contenido di boter atleast riba nan cabes.
Otro siman caba ta cuminsa cu “Herkansing” of Examens den 2de tijdvak y inscripcionan pa haci esaki lo tuma lugar ainda mayan mainta for di 8′or na oficina di Con-rector drs. Annie Sneek. - Mas imagenan di e Uitslag Examens 2007 den nos galeria di KillerShots.
June 15th, 2007
E meeting prome e resultadonan di Examens wordo haci conoci a wordo muda cu urgencia den EX4 debi na fayo den e systema di Airco den Lerarenkamer.
June 15th, 2007
Alumno di V61 esta Chun Luk lo ta e best geslaagde di VWO 2007 cu 10 pa Wiskunde 1,2 y 9 pa “basta vak” segun ‘e. Derek Harrison di H5 lo ta best e geslaagde di HAVO cu almenos cuatro negen riba su lista, segun informenan no oficial.
June 15th, 2007
Awetardi 4′or e resultadonan di examens den 1ste tijdvak a wordo ser conoci den e hal di Colegio Arubano. Segun rector di Colegio Arubano su mesun palabra oranan prome cu e resultadonan a wordo a haci publico tabata “malisimo” aunke no por compara esaki cu aña 2005, cu tabata e punto mas abou den historia di Colegio Arubano.
For di oranan trempan caba por a mira alumnonan caba ta meld pa haci herkansing den e oficina di con-rector Sneek, mayan for di 8′or di mainta lo tin inscripcionan pa esnan cu ta bai haci e herkansing aki, e Examens den 2de Tijdvak lo cuminsa for di otro siman caba.
June 15th, 2007
Diahuebs anochi na Cas di Cultura tabatin un anochi di informacion pa e mayoranan di cua nan yiu ta cuminsa Ciclo Basico na Colegio Aruba pa aña escolar 2007-2008. Diferente aspecto y reglanan di Colegio Arubano a wordo splica, tanto pa Juf. Anuesca Baly como pa Mr. Robert Falconi.
Enfasis a wordo poni riba e hecho cu mayornan mester sigui apoya y stimula nan yiu, hopi ya depende di esaki y e muchanan mester realiza, cu aunque nan a yega Colegio Arubano, ta awor e “lucha” ta cuminsa.
Despues di e charla, cu a wordo atendi pa hopi mayor, e mayornan por a inscribi nan yiu na un di e 5 mesanan. Un total di mas di 300 alumno di e 6-de klasnan di 21 diferente scol basico a wordo tuma na Colegio Arubano.
E tabata un anochi hopi druk, pero den menos cu mei ora tur hende a wordo yuda, dia 1 di augustus e muchanan cu ta bai Ciclo Basico 1 por busca nan buki na Colegio Arubano.
June 15th, 2007
Hopi alumno for di ayera caba a cuminsa busca nan cijfer pa purba di calcula si nan lo logra slaag den e prome tijdvak di Examens. Caranan yen di angustia tabata loke bo por a mira, hopi pega riba e porta di e lerarenkamer cu tabata bou lock ya cu CP’s a cuminsa.
For di 1ste lesuur docentenan tabata yena e cijfers riba e lista di cijfers, despues cu e normering a drenta for di hulanda diahuebs 2′or di marduga.
Algun alumno ya tabata sa cu nan a slaag y tabata contento, mientras otronan tabata den lagrimas of deseando pa lo mihor den e herkansing of Examens den 2de tijdvak cu lo cuminsa otro siman caba.
June 15th, 2007
Diabierna atardi ta “judgement day” pa hopi alumno den Examenklas di Colegio Arubano, e dia mas spera di tur otro dia den nan estadia na Colegio Arubano. E uitslag di Examens 2007 ta wordo ser conoci, y Colarinonline.com lo ta presente for di oranan trempan pa cubri esaki!
June 15th, 2007
Docentenan awemainta a yena e resultadonan di e Examens den Lerarenkamer pa for di awe cuminsa yena esaki riba computer y mayan cuminsa cu e controle.
Despues di CP e hal di Colegio Arubano lo ta e lugar na unda historia lo wordo haci pa e futuro di varios alumno di nos scol. E resultadonan final di e Examen den 1ste Tijdvak lo wordo ser conoci mayan despues di 3′or di atardi.
Prome cu resultadonan wordo ser conoci lo tin dos reunion pa controla cu tur cijfers ta klop y lo bai over na anuncia e resultadonan di VWO, pa despues continua cu e control di HAVO y anuncia esaki den alrededor di un ora despues.
June 14th, 2007
E normering di Examens ta aden djis bishita e diguinte website pa bo wak e. http://cito.nl/vo/ce/havovwo/omzet2007/eind_fr.htm y click na e banda links, bou tijdvak 1 pa vwo of havo. For di awe caba alumnonan cu sa nan puntahe di examens por calcula cuanto nan cijfer lo sali pa wak si nan ta hal e of no pa slaag. Ken ta e best geslaagde di VWO?, ken ta esun di havo? Pronto nos lo haya sa.
E normering pa VWO di Engels y Spaans a bin 0,1 esun di Nederlands, Economie y Natuurkunde 1, 2 a para bira 0,9 Scheikunde (1, 2) bira 0,7 Biologie (1,2)a bira 1,4 Wiskunde B (1, 2) a bira 1,0 Wiskunde A (1, 2) a bira 0,7 Wiskunde B (1) a para bira 0,7 M&O a bira 0,6 Aardrijkskunde a bira 1,2 Geschiedenis a bira 0,9 y por ultimo Frans a bira 0,6 - Bron: Website di CITO.
June 14th, 2007
Previous Posts
